ಮಗಳೇ

ನಿನ್ನೆ  ಮೊನ್ನೆಯಷ್ಟೇ ನನ್ನ ಸೆರಗ ಹಿಡಿದು

ರಸ್ತೆ ದಾಟುತಿದ್ದೆ.

ಹೌದು,

ನಿನ್ನೆ ಮೊನ್ನೆಯಷ್ಟೇ ಅಮ್ಮ ಚ್ವಾಕಿ ಬೇಕು ಐಸ್ಸಿ ಬೇಕು                    

ಎಂದು ಸೆರಗ ಹಿಡಿದು ಕೇಳುತಿದ್ದೆ,

ನಿನ್ನ ತೊದಲ ನುಡಿಗಳಲ್ಲೆ,

ಮುದ್ದು ಮಗಳೆ

ಎಷ್ಟು ಬೇಗ ಬೆಳೆದೆ, ಗೊತ್ತೇ ಆಗಲಿಲ್ಲ ನನಗೆ.

ಒಂದು ದಿನವೂ ಯಾಕೆ ಹೀಗೆ

ಇವಳು  ಎಂದು ಗೊಣಗಲು

ಬಿಡದೆ,

ಒಂದಿನಿತು ಹಠವ ಮಾಡದೇ ಎಷ್ಟು ಬೇಗ ಬೆಳೆದೆ,

ಗೊತ್ತೇ ಆಗಲಿಲ್ಲ ನನಗೆ.

ಅಪ್ಪ ಸದಾ ದೂರದಲ್ಲಿ ಕೆಲಸದಲ್ಲಿದ್ದರೂ, ಬಾಲ್ಯವೆಲ್ಲ ಅಮ್ಮನೊಡನೆ ನಗುತ ಕಾಲ ಕಳೆದೆ.

ಆದರೂ ಮಗಳೆ ನೀನು ಎಷ್ಟು ಬೇಗ ಬೆಳೆದೆ,

ಗೊತ್ತೇ ಆಗಲಿಲ್ಲ ನನಗೆ.

ಇನ್ನು ಎತ್ತರ ಬೆಳೆವ ಆಸೆ ನಿನಗೆ,

ಬದುಕಿನಲ್ಲಿ ಹೋಗು ನೀ ಎತ್ತರೆತ್ತರಕ್ಕೆ.

ಅದುವೆ ನಮ್ಮ ಹಾರೈಕೆ.